呢幾年喺流感高峰期間，公立醫院爆晒廠，而醫管局亦有動用兩間私家醫院低收費嘅床位，但申訴專員公署發現一七／一八年嘅轉介率偏低，未能紓緩公院病床嘅需求，故主動作出調查。老實講，醫管局主席梁智仁次次都話有措施紓緩問題，但原來公院病床爆晒，但轉介私院嘅低收費病床就拍烏蠅，難為啲公院病人要瞓走廊，甚至水盤底，冇晒尊嚴。呢個問題難道梁智仁唔知道？抑或睇到當睇唔到呀？
