示威者爆粗 總警司舉中指反擊

稱香港需要愛

李仲華前晚嘗試拉開堵塞警總後門的鐵馬，並陪同多名不適的同袍離開警總。同袍上救護車前，李接受在場傳媒訪問稱：「我自己係警察，我都係香港人，香港係我家，警察部亦都係我嘅家庭，入面依家其實有好多唔同嘅同事，有唔同嘅需要，包括有大肚婆喺裏面。係咪我嘅同事就唔係人呢？你哋圍住就可以呢？」

在場示威者聽到李的言論後即時起哄，有人衝前向他怒斥「黑警」、「畜牲」，更以粗口辱罵：「×你老母！」李聽到示威者辱罵後續稱：「香港要嘅係咩？係愛，而唔係粗口！而唔係咁樣惺惺作態。」李受訪後欲轉身離開，惟聽到示威者叫罵聲不絕粗口橫飛，疑一時沉不住氣，轉頭豎起中指反擊。李的舉動全程被圍觀者攝入鏡頭，一名撐黃傘的女示威者睹狀，即時舉起中指回應。

此外，有目擊者指李仲華舉起粗口手勢回應，與鏡頭前的言論違背。