政情：鄧宣宏雁自爆曾收男同學禮物

相信大家細細個可能都開過生日會，唔單止有生日蛋糕同大食會，大家最開心莫過於收禮物喇！講起收禮物，保良局總理鄧宣宏雁（Emily）就話曾經收過啲由男同學送嘅禮物。咦，有男同學送禮物，睇嚟Emily應該好受歡迎喇！

細個時大家送嘅禮物，都不外乎係文具、精品同埋玩具。到底啲男同學送咗乜嘢畀Emily呢？原來啲男同學係送埋啲假嘅昆蟲畀佢，而送畀佢嘅方式仲要一係就拋畀佢，一係就直接收埋喺佢書包裡面添，認真大整蠱喇！

點解啲男同學要咁對Emily呢？原來Emily以前曾經做過風紀，眾所周知風紀好多時都要維持秩序，少不免都要向老師報告，所以可能因為Emily做風紀，啲同學仔被告發過所以先報仇喇！之不過，Emily就話唔止佢一個收到「禮物」，連一啲告發過嘅同學仔都有收過，咁真係唔知係好彩定係唔好彩喇！