中環出更：怕出事冇人知 姚思榮孖馬逢國健身
唔少人鍾意同朋友一齊健身，希望互相鞭策更有效果，但經常孖住去立法會健身室嘅立法會議員姚思榮同馬逢國就話，一齊健身只係為咗有照應，因為怕出事都無人知喎。
立會坐喺位紮馬 惹議員側目
馬逢國話呢個諗法係佢提出，事關以前健身室燈光好暗，而且使用量唔夠，分分鐘暈咗都無人知，所以就拉埋姚思榮一齊健身。而遇拉布行唔開，需要長時間留係會議廳，佢就會坐喺位度紮馬，話呢個方法對腰骨好喇，但呢個行為有時就會惹起其他議員注意，好奇究竟佢搞乜呢？
傳聞話立法會健身室好邪，頻密使用嘅議員都先後落敗，常客姚思榮無有怕，唔通無打算爭取連任？佢就笑住話功能界別議員唔使怕，事關以往中招嘅都係直選議員為主，所以從來無諗過擔心用健身室會邪。佢又透露，依家健身室中，最多人用嘅竟然係入面嘅洗手間喎。
卓妮