政情：公民講場：專營的士 本末倒置 陳帆被業界狂轟

政府擬公開招標推出六百輛提供較高水準服務嘅專營的士，但多個的士團體炮轟扼殺業界生計，兼且令交通更擠塞，仲會搶走大量現職嘅的士司機飯碗，又質疑呢批專營的士五年後就退役，亦唔可以轉做其他車輛，等如製造大量不必要嘅垃圾。老實講，點解運輸及房屋局局長陳帆做嘢唔瞻前顧後呢？點解唔先去提升現有的士嘅服務水平，反而另起爐灶去搶業界飯碗，呢啲措施簡直係本末倒置，難怪會激起民憤，搞成咁都係政府攞嚟衰。