話說政府將喺屯門龍鼓灘及鄰近一帶填海作特殊工作用途，同時擴建堆填區，尋日有班龍鼓灘村居民發起汽車慢駛抗議，批評政府喺六年前應承居民開一條新路以紓緩交通問題，點知早前環保署話研究緊，食環署又話唔符合經濟效益，起新路都凍過水嘞，班居民就怒轟政府反口，過橋抽板，矛頭直指環境局局長黃錦星。聽聞仲有好多團體都反對填海同擴建堆填區，反對行動會不斷升級，黃錦星係咪要與民為敵呢？
