「皇座」內被掟豬雜 黎智英全身惡臭

被追問「刀疤剛」 講大話「唔識佢」

黎在違法佔中期間被揭發與黑幫人物「刀疤剛」有瓜葛，甚至多次在金鐘佔領區內公然密斟，當時黎每周與「刀疤剛」在佔領區內會面至少三次，而「刀疤剛」在「皇座」旁邊傍實黎，又與黎密斟、閒談，更經常握手、拍膊頭、「攬頭攬頸」，非常熟絡，及後被追問二人關係時，黎更「擘大眼講大話」，聲稱「我唔識佢（口架）！」藉以推搪。

至於被掟污物一事，事發於一四年十一月十二日，當時在金鐘佔領區私家「皇座」「打躉」的黎智英正準備離開時，突然有三名大漢冒出走近，先以粗言指罵黎，痛斥他是賣國賊，及後更將手上三個裝滿汁液、懷疑含屎尿及豬內臟的大袋狠狠掟向黎，導致黎全身污物、發出惡臭。

中招後呆若木雞 白恤衫污水直流

黎走避不及被污物掟中，其白色恤衫沾滿啡紅色污水，身上亦掛滿疑似豬腸的內臟，黎被嚇得呆若木雞、不知所措。其後三名大漢被佔領區糾察長郭紹傑等人制服，並交予警方處理，三人分別為廚師陳國雄、食肆東主葉永志和商人李小龍，及後被裁定普通襲擊罪成，分別被判監九至十八個星期。三人一度向法院提出上訴，但最終被駁回。