中環出更：何啟明出「領剪」 想幫陳帆斷情絲？

政府搞唔掂「前女友」 市民多怨氣

何啟明形容領展係政府嘅前女友，而且冇辦法完全飛甩佢，事關就算政府出售咗物業畀領展，房屋署仲有好多合作要同領展傾，直言政府搞唔掂呢個前女友，結果咪搞到現任老婆唔高興，即係市民多怨氣囉！所以佢整咗把「領剪」出嚟，斥領展剪斷咗社區人情味同關係網，雖然佢哋好努力剪斷領展問題，可惜「剪不斷，理還亂」，畢竟問題係出喺政府身上，叫政府將啲契約搞番清楚，監察好啲先得。

麥美娟就狠批領展壟斷社區商場同街市，繼而大幅加租導致商戶加價；港鐵近年不斷出現事故甚至撞車，雖要繳罰款但仍繼續加價同裁員，又指強積金對沖機制直接影響市民退休生活，惟目前靠強積金是缺乏保障，認為政府必須大力改善「三座大山」解決問題。另一名議員郭家麒直斥「三座大山」是政府一手造成，批評政府只照顧股東利益。

然而政務司司長張建宗答辯時強調唔會回購港鐵同領展，又指政府有決心取消強積金對沖。

卓妮