政情：被屈赴上海打高球 馬時亨澄清去論壇
港鐵上周發生列車相撞嚴重事故，連日金睛火眼做好善後工作嘅港鐵主席馬時亨（肥亨），表明要將事件查到水落石出之時，有市民日前向傳媒報料，聲稱喺香港國際機場見到肥亨拎住個高爾夫球袋去上海打高球，究竟事件真相係點呢？
稱舊年做完手術唔打得波
對於被屈去上海打高球，肥亨近日向友人呼冤，一方面自己舊年底做過手術唔打得波，另一方面當日其實係途經上海，目的地係到北京出席一個經濟發展論壇，所以唔存在打高球呢回事。
雖然肥亨仲有三個月就離開港鐵，仍舊對於港鐵嘅各項事務好上心，見親傳媒都係回應涉及港鐵嘅大小事務，無論有任何以訛傳訛嘅消息，相信都唔會影響到佢，全力以赴做到任期最後一刻嘞！