叼煙持刀闖超市 不足10秒槍聲響

【本報訊】「佢高高哋、瘦瘦哋,着住T恤、白頭髮、有少少長同攣毛,一路跑一路叼住口煙,攞住把刀,全程冇講嘢喺度跑!」在案發超市附近一間小食店的姓程職員形容,當時見疑兇拿着一把刀,在其檔口前快速跑過,多名途人亦被眼前景象嚇怕。據程所知,疑兇疑有不良嗜好,在超市附近一帶活躍,且會四處留意攤檔錢箱,懷疑有不軌企圖。

疑兇屢騷擾附近商戶

另在超市對面肉檔負責人何先生指,當時知道疑兇在事發前在超市內與人爭執,約十分鐘後,疑兇拿着一把刀折返疑找「晦氣」,他憶述:「無啦啦一陣風跑過,見到佢拎住把刀衝咗入超市,阿Sir(警員)撳住個槍袋好快咁追住佢,個男人唔聽指示,入咗去十秒都唔夠就聽到槍聲」,街道四周其後傳來警車響號,大批警員趕至封鎖現場。

他續稱,疑兇瘦削高大,平日神情有異:「附近嘅店舖都畀佢騷擾過,佢成日睇人哋啲錢兜,好似想偷嘢!」

油尖旺區區議員楊子熙事後到場了解,他透露有街坊曾反映,留意到疑兇平日在上址一帶街市徘徊,「神志唔係好正常」。另有附近地產舖職員丁先生稱,上址一帶品流較複雜,常有盜竊案。

第一手消息請下載on.cc東網iPhone/iPad/Android/Windows Phone Apps