政情：公民講場：學童健康評估一鑊粥 陳漢儀唔踢唔郁

衞生署設立「學生健康服務計劃」，為中、小學學童評估身心健康，計劃年花二億元公帑，但申訴專員公署發表嘅主動調查報告，批評計劃問題多多，其中包括未有跟進學童出席率偏低嘅問題等，仲要公署介入後先作出改善。問題存在咁耐，衞生署署長陳漢儀竟然好似發緊夢咁，當乜都睇唔到，仲係唔踢唔郁，呢啲官僚陋習唔改，只會繼續倒納稅人嘅血汗錢落海。