寄養導盲犬 女義工盼擴視障者世界

作為寄養家庭，Cynthia也要帶狗狗出街做社會化訓練，當中包括乘坐公共交通工具，以及去一些公共場所，但因為Cynthia所照顧的狗狗仍未是正式的導盲犬，因此即使法例容許導盲犬進入公眾地方，亦常被拒門外，「呢個係難受嘅，隻狗都知佢係被拒絕。」Cynthia解釋指訓練是為視障人士而做，「隻狗狗見識多啲，將來會淡定啲。我係一個健視嘅人，帶導盲犬出街困難都咁大，何況一個視障人士呢？」

她指受訓的導盲犬比其他犬隻聽話，一旦穿上背心時，牠們就知自己是工作的狀態。Cynthia表示理解有些朋友的確是不喜歡，但認為在安排上可以達至雙贏，例如食肆可安排較少人的位置予訓練犬。

伴種犬生產 建緊密關係

Cynthia如此有經驗，是因為除了現在的Oscar外，之前也照顧過另一隻導盲犬Ginny，而他們當時的相處時間，比一般寄養家庭的半年至九個月長，因為Ginny品種優良，成為了協會的「種犬」。「Ginny成個準備懷孕至佢生產嘅過程，協會都畀我參與，因為Ginny同我嘅交流係好強，如果我走開咗，佢會搵我。」Ginny最後生了七隻小狗，小生命與媽媽在Cynthia家生活了兩個月。Cynthia形容與Ginny關係親密得「人狗合一」。Ginny生產後，Cynthia怕牠太辛苦，曾問可否不讓牠做導盲犬，「（協會）導師同我講不如畀Ginny自己揀，Ginny真係自己揀咗工作，佢第一次見未來主人（視障者），一見鍾情。」

狗狗有新主人 「好似嫁女」

由「人狗合一」到要說再見，Cynthia坦言有不開心，即使Ginny已離開一段時間，「好似個女嫁咗出去咁。」Cynthia說着也不禁哭了起來。幸而Ginny「嫁」得一個好人家，Cynthia說新主人Joanne與「愛女」是「絕佳的伴侶」，Cynthia也與Joanne成為朋友，現在也有機會與Ginny一起玩。

抹乾眼淚，Cynthia也不忘成為寄養家庭的初心，「我哋最終嘅目標就係想視障朋友拎咗導盲犬後，可以擴闊佢哋嘅世界同心靈空間。」她因此送走Ginny後，沒有想過不再做寄養家庭，很快就迎來現在照顧中的Oscar。

現在Oscar已在Cynthia的照顧下生活了大約半年，換言之牠在幾個月後就會離開，「要享受每一日，諗都無補於事，反而用嗰啲精神每日開心同佢相處仲好。」