新一份財政預算案大幅減糖，多個政黨紛紛叫財爺加碼派錢。商務及經濟發展局局長邱騰華尋日喺電台節目被問到預算案派糖規模縮減，佢話市民可能只「睇住粒糖」，但香港「都要睇住間廠」，認為面對經濟不穩情況，單靠開支穩定社會係唔足夠。話時話，政府盈餘逾五百億元，而財政儲備更加逾一萬一千億元，根本係爆晒廠，但點都唔肯拎多少少糖出嚟幫基層，邱騰華咁講擺明都係幫政府撳住荷包啫！
