政府搶先喺土地供應專責小組因應土地大辯論發表報告前，話要發展大型嘅填海計劃，到報告出咗話建議提出局部發展粉嶺高爾夫球場三十二公頃用地，但發展局局長黃偉綸遲遲未有回應，眼見拖得就拖，小組委員王坤警告，若政府唔局部發展粉嶺高球場嘅話，佢就劈炮唔撈，到時可能仲有其他委員步其後塵添！老實講，呢個小組到咗月底任期屆滿，到時好多委員一齊劈炮，證明土地大辯論根本係假諮詢，政府呃市民，睇下黃偉綸點拆彈嘞！
