早前教育局被批「標準家具和設備參考清單」，仍要求新建校舍配備手提卡式收音錄音機、VHS錄影機等「古董級」設備，有議員尋日喺立法會相關嘅委員會鬧爆局方仲未公布新嘅參考清單，仲話清單中唔少要求新校配備嘅教具已被淘汰，但副局長蔡若蓮一味話檢討緊，仲死撐話若果學校認為設施用唔着亦可選擇唔購置。老實講，政府一方面推動用電子書，但係學校嘅教具咁落後，點提高教學質素呀？
