妻悲痛隱瞞 5歲女未知噩耗

【本報訊】毫無先兆，也無告別，丈夫出門一去不返，遺孀曾太每日以淚洗面，形容前路茫茫：「囡囡話夢見爸爸，半夜扎醒大喊，點算？」回想亡夫，曾太指他生前十分疼錫五歲女兒，就算日常工作多累，假日總一定抽時間陪伴女兒。她至今仍未向女兒告知父親死訊：「搞到個女冇咗爸爸，賠唔賠償都係其次，只希望攞番個公道！」

曾太接受訪問期間，說到傷痛處與不捨不時落淚。她透露，丈夫是一家經濟支柱，自己因要照顧幼女，未有外出工作，丈夫如今離去，她對於將來感十分徬徨：「我先生走咗啦，我做人都冇咩意思o架啦，成個天好似冧咗落嚟！」她又說：「大人仲頂得住，但小朋友嘅心靈唔會承受到。」

曾太指丈夫送院後，她曾帶同女兒到醫院探望，女兒看到爸爸臥床昏迷不醒，不禁哭泣。「佢呢幾日仲話好掛住爸爸，要去醫院探佢，我依家唔敢講畀佢聽真相，仲同佢講爸爸會好番……」另外，家中八十多歲的曾老太，由兒子出事至今情緒仍未平復，現時仍未能接受兒子已經離世。