政情：公民講場：公院淪陷 醫護聲討 陳肇始掟錢撲火撼牆

香港正值流感高峰期，病人逼爆公立醫院，前線醫護人員做到一肚火，谷到爆，上完街抗議同閉門申訴後，食物及衞生局局長陳肇始尋日突然出嚟話額外預留一筆過五億元的撥款畀醫管局應對流感，但公立醫院依家嘅急務係增聘人手，陳肇始用銀彈政策諗住撲火，點知撞牆添！事關錢根本解決唔到現時公院人手短缺嘅問題，佢只不過喺度轉移視線，去掩飾佢就係搞到公院「十個煲得兩個蓋」嘅真兇。