勞工及福利局局長羅致光近期周圍辣火頭，齋係全城鬧爆嘅收緊長者綜援申請年齡一事，佢就好惹火講過「六十歲中年論」，回應立法會相關辯論時，又話冇人再講「人生七十古來稀」喎，足證呢位智商高達一百六十嘅局長堅離地，仲未計取消強積金對沖等勞工福利政策乜都未搞掂，真係大把補鑊工夫等緊佢。不過羅致光竟然選擇拋開香港嘅難題，今日起一連三日到訪印尼雅加達，就在港印傭權益交流同加強合作，唔知佢係咪畀人鬧得太厲害，要避吓風頭嘞！
