政情：大呼係地道香港人
生產力促進局總裁畢堅文擁有外國人嘅面孔，早排見佢出席活動，唔少人對佢嘅流利廣東話感到意外，畢堅文就大呼自己係地道香港仔，香港係佢屋企，太太都係中國人，識講、識寫同識睇中文，喺公開試嘅中文科仲考獲C級添，真係唔好睇小佢。
畢堅文係中印混血兒，媽媽係中國人，自己亦都喺香港長大，直到大學先去外國升學，所以話自己係地道香港仔，而呢個背景令佢更易同人打開話題，識更多朋友。佢話，自己嘅生活同興趣都同香港人一樣，連聽歌都係聽廣東歌，仲好快噏出嗰位歌手名添，不過講完就大呼暴露咗年齡，仲笑自己係老餅喎。
稱自己活在女人之下
印度有男尊女卑嘅風氣，作為混血兒嘅畢堅文就話自己活在女人之下，因為自己有三個女兒，連所養嘅狗都係女喎，認真搞笑。不過佢話屋企思想開放，女性可以讀書，亦都唔需要包頭。