政情：公民講場：人生七十唔再稀 羅致光噏得就噏

全城鬧爆政府收緊長者綜援嘅申請門檻係虐老政策，繼「六十歲中年論」後，勞工及福利局局長羅致光尋日喺立法會辯論相關政策嘅動議上又有新論點，話依家冇人叫五十歲嘅做半百老翁或老婦，亦冇人再講「人生七十古來稀」，又話年齡同運動無大關係，佢相信只要努力，無論六十五歲、七十五歲同八十五歲都好，仍會有能力去參加渡海泳。真係辛苦晒智商一百六十嘅羅致光，竟然由六十歲講到八十五歲，雖然佢有游渡海泳，但唔係個個長者都好似佢保養得咁好，為咗強辯，佢竟然好似食咗山草藥咁噏得就噏。