政情：甘文鋒遠赴多哈學飛躍道

甘文鋒就話飛躍道已經獲國際體操聯盟承認，所以佢就建議香港體操總會去加深了解，而佢就去咗多哈學咗兩日再作匯報，包括學習歷史、理論同埋基本動作。

有體操底子易啲上手

佢認為有體操底子會容易上手，因為兩者嘅基本跳躍、落地同翻滾動作都差不多，而今次一齊上堂嘅仲有嚟自伊朗、捷克等同學，佢哋本身都係體操教練嚟o架！

試玩過飛躍道有乜啟發呢？佢認為香港都可以發展，因為現時已經併入體操當中，而以往學習飛躍道嘅場地、器材大多都同體操共用，唔使增加資源都可以發展。不過，佢都承認以往飛躍道予人印象危險、玩命，但現時飛躍道正朝住納入奧運項目發展，希望將來有更多安全指引同比賽準則下，能夠令家長改觀，放心畀子女學習喎。