特首辦近日公布舊年行政會議嘅會議次數、討論項目總數同行會成員避席次數。舊年行會會議次數明顯減少，但避席次數就大幅增加，未知係咪同行會需要處理香港民族黨遭禁止運作嘅上訴有關。
舊年行會總共開咗三十八次會，而前年僅半年，已開咗二十二次會，可見舊年行會開會次數明顯較少，對上一次行會全年開會少於四十次，已經係二○一一年，其時全年開會三十七次。
行會喺舊年討論項目總數為二百二十二項，共有四十八項有成員需要避席，而避席總次數為一百三十七次，以討論項目總數計算，即平均每個討論項目就有近○點六二人需要避席，相比一七年平均每個討論項目有○點二八人避席，明顯上升。
港府舊年首次引用《社團條例》取締香港民族黨，禁止該黨運作，而該黨召集人陳浩天其後亦向行政會議提出上訴，近日已就有關上訴召開聆訊，但未有結果。
早前有指，多名行會成員處理有關事宜時避席，舊年避席次數有所增加，未知係咪同呢件事有關嘞！
卓妮