全哥說：「安仔，現在香港正值冬季，你今日着到咁單薄，我哋喺戶外工作好易凍襯。」
安仔說：「全哥，你放心喎，你睇我牛高馬大，唔使怕啦。」
全哥說：「安仔，就算你身體強健，但於寒冷天氣下工作而沒有足夠禦寒措施，好容易受傷。」
安仔說：「嘩，咁得人驚。全哥，有冇貼士醒吓我呀？」
全哥說：「踏入每年冬天，天氣逐漸轉冷，人嘅活動力下降，抵抗力也會隨之降低，亦係一啲流行性疾病爆發嘅季節。所以喺寒冷天氣，我哋戶外工作開工之前做適當熱身運動，增加血液循環及產生熱能，增進肌肉反應及靈活性，令身體處於較佳狀態，減少肌肉受傷，工作期間要時刻注意自己身體狀況，如果有手腳冰冷情況，全身震顫及皮膚有雞皮疙瘩等，就要立即通知主管同求診。同食夠高熱量食物同飲品，注意保暖。仲要留意天文台天氣預告。」
安仔接着道：「呢個我當然知道啦，我們應該多穿具保暖性能及輕便耐用衣物，盡可能避免長時間置身戶外寒風中，可以嘅話就同喺戶內或者有遮蔽地方工作嘅同事交替，減少大家曝露喺寒冷天氣嘅時間。」
全哥說：「除咗着衫要注意外，亦可以考慮使用暖包或保溫水壺，不過要小心水壺內水溫過高，飲用時小心燙傷。」
安仔回應：「收到，咁樣就萬無一失啦。」
職業安全健康局
www.oshc.org.hk