前教育局局長吳克儉離開熱廚房後，成為酒會常客。日前喺一個酒會上，見到佢戴住一頂賊仔帽現身，非常搶眼，離遠都見到佢，唔通係為咗遮住男人最痛？
吳克儉就笑笑口話，因為天氣凍兼好大風，所以先戴帽。至於自己頭髮嘅狀況已經維持咗一段時間，所以同頭髮多少冇關囉。
記得吳克儉經常去日本旅行，可以算係遊日達人，佢所戴嘅帽都係上年年初同兒子去金澤旅行時買嘅，全人手造，見佢邊講邊摸頂帽，似乎非常鍾意喇！
