政情：陳家珮B女出世湊個好字

鑑於Judy兩年幾前生第一胎係開刀生，所以醫生今次都建議佢開刀，雖然佢諗過想順產，但最終為安全起見都係乖乖哋聽醫生話。但查實之前因為個肚太大，佢一度擔心過會早產，好彩最後囡囡都等到預約開刀嘅日子，可謂有驚無險。

Judy預計自己除夕就可以返屋企坐月，但佢話如果身體狀況許可，坐月期間都可能會去處理一啲緊急事務，至於全面復工就預計係農曆新年前後，佢話新年比較多活動，身為區議員有需要出席，所以莫講話十四周產假，依家連十周都分分鐘放唔足，不過佢話做區議員冇得計咁多，到時視乎身體狀況再決定啦！