小強與小明一同下班回家，小強問：「你知道正常成年人每星期需要幾多體能活動嗎？」小明回答：「唔知呀，乜有規定嘅咩？」
小強答：「梗係有建議體能活動量啦！其實體能活動有分為帶氧體能活動同肌肉強化活動。好似我哋選擇中等強度體能活動，每星期應該進行最少一百五十分鐘。如果選擇劇烈體能活動，每星期就應進行最少七十五分鐘。」
小明說：「真㗎？你唔講我真係唔知道，仲以為有時間隨便做做就好健康。」
小強答：「有做當然比冇做好，但如保持足夠運動量就更好。我哋每星期應該最少進行體能活動三日，之後可慢慢增加進行體能活動時間，活動時間愈多，為健康帶來嘅好處就愈大。最理想係花雙倍或以上時間進行體能活動（即達到每周累積三百分鐘中等強度或每周一百五十分鐘劇烈帶氧體能活動）。每節體能活動應該維持最少十分鐘。我哋可以靈活地混合中等強度和劇烈體能活動。」
小明回答：「咁肌肉強化活動呢，有建議嗎？」小強答：「我哋每星期應該最少有（非連續的）兩日進行肌肉強化活動，而活動中應涉及所有主要肌肉群，如腿部、臀部、背部、胸部、腹部、肩膀和手臂。喺每節活動，針對每個肌肉群嘅動作可各重複八至十二次。最理想係每星期非連續地三天進行肌肉強化活動。明白未？」
小明回答：「明喇，我都係時候開始有規律咁進行體能活動！」
職業安全健康局
www.oshc.org.hk