政情：今日你上鏡：葛珮帆生日 化身杜拜天使

生日最緊要係氹自己開心，立法會議員葛珮帆（EQ）尋日生日，佢喺社交網站貼咗張喺玻璃窗前影嘅相，窗上畫咗一對彩色羽翼，佢企喺窗前就好似天使咁，佢仲問大家對翼靚唔靚添。EQ話，呢度係杜拜最高大廈嘅一百廿四樓，佢一落機就過咗嚟扮天使嘞，生日終於放假，最開心嘅禮物就係一家人陪媽咪去杜拜旅行，覺得感恩同珍惜。佢又話，去杜拜係媽媽揀嘅，因為覺得嗰度唔凍，自己去杜拜開會就去過好多次，純玩就真係第一次，仲大讚呢幢大廈嘅電梯超靜同超快，只需一分鐘就上咗嚟喎。