財爺陳茂波（波叔）正就新一年度嘅財政預算案進行諮詢，但早幾日佢就已經話政府盈餘大減，好似做定唔派糖嘅期望管理。尋日有個青年嘅調查，逾六成受訪者唔信任港府管理公共財政嘅能力，聽取唔同持份者聲音嘅表現唔合格，有青年仲鬧政府累積財富而不加善用，就等於浪費資源。話時話，波叔特登為預算案諮詢拍咗段片，叫市民畀多啲意見佢，又話交個波畀佢，個青年調查正正係鬧爆佢唔係波，做守財奴、唔識理財兼唔聽意見，真係省到佢立立令。
