職場健康：平衡訓練 減少絆倒

阿安：「根據勞工處數字，喺工作地點滑倒、絆倒或在同一高度跌倒嘅意外數字有三成多，冠絕所有意外類別。睇嚟呢個梯級位真係要貼番啲鮮色警告標示，等同事進出時多加留神。」阿全：「我同你差唔多年紀，但你好似企得特別穩，而我啱啱絆倒個時隻腳完全冇晒力，個人失晒重心，想企都企唔到。」

隨年齡增長 肌肉強度減弱

阿安：「從外在環境消除導致滑倒絆倒嘅來源固然重要，但個人因素亦唔能夠忽視。我每星期都會定時做運動，而且亦會做訓練提升身體協調力、平衡力、下肢同核心肌群力量。」阿安補充：「我睇你咁嘅身形，平時應該都冇咩做運動o架啦。其實肥胖嘅人平衡力一般都較差，而且隨住年齡增長，我哋肌肉嘅強度都會開始減弱，會好影響我哋嘅平衡能力。所以，日常運動同鍛煉係非常重要。」

阿安續道：「啱啱開始可以先做啲簡單平衡訓練，例如維持「腳跟抵腳尖」方式行走一段距離。同時亦可以嘗試「平衡走動」，即兩腿交替提起行走，而喺過程中將提起嘅腿凌空維持一秒。呢啲運動都有助提升平衡力。」阿全：「好！今晚返屋企即做。」

職業安全健康局

www.oshc.org.hk