政情:公民講場:食物化驗拖7個月食環署終認衰

審計報告揭發食物安全中心嘅食物安全管理漏洞多多,尋日立法會政府帳目委員會召開公開聆訊,有議員批評其中一個個案係食安中心運送食物樣本到化驗所,竟然需時近七個月,認真兒戲,咁做可能廣大市民已經食緊毒素。食物環境衞生署署長劉利群認衰,承認同事間出現溝通問題,已要求日後將食物樣本運送到化驗所嘅期限不可超過十四個工作天。政府做嘢懶懶閒,連食物安全把關都咁Hea,真係佛都有火。

第一手消息請下載on.cc東網iPhone/iPad/Android/Windows Phone Apps