保母車公司負責人讚盡責 涉事司機錫車又錫小朋友
【本報訊】「啱啱同佢講拜拜就出事！」肇事保母車司機曾嘗試以身擋車，企圖盡力阻止保母車衝落斜路，可是「螳臂當車」慘遭捲入車底拖行，傷重命危。保母車公司女負責人驚聞他出事，激動至聲淚俱下，盛讚他是「好司機」，為人盡責又愛錫小朋友。她指，事發前剛與他說拜拜，豈料即發生意外，實令人難以相信是真。
甫下車預備交更即出事
肇事保母車由溢興旅運有限公司擁有，二○一四年首次登記，涉事司機入職約一年，昨晨七時許接載第一轉學童，上午十一許再接載第二轉就收工，並將保母車停泊於長康街斜路，交給下更同事駕駛。詎料，他落車未幾，保母車失控溜前釀成嚴重意外。有認識司機的幼稚園校長指，該名司機駕車態度良好，一直能夠安全接載學生上下課，並關顧學童，從沒聽聞有家長對他有評論。
保母車公司負責人舒太，在車禍發生後接獲通知時，情緒激動一度不知所措，更哭着表示：「當時我唔喺現場，都唔知道情況。」她同時指：「應該司機喺車旁，佢有盡力整停架車，因為太盡責任亦出事，但依家都唔知點樣，生死未卜，好擔心佢情況。」舒太又盛讚司機盡忠職守，愛錫小朋友，「佢係好盡責嘅人，佢係好緊張架車。」
她透露出事前司機接完幼童到附近建華街的蘇浙幼稚園，隨即收工回家。「我仲啱啱同佢講拜拜，跟住我離開咗佢，點知就出事，唔知點解會咁，真係令人不敢相信！」