近年政府多次強調房屋政策係重中之重，但一直口惠而實不至，公屋輪候時間屢創新高，公屋建屋量亦低於預期。負責房策嘅運輸及房屋局局長陳帆尋日更自爆，對公屋輪候時間感到非常大壓力。其實坊間都有唔少好橋去增加單位供應，例如建築界立法會議員謝偉銓就提出，以「砌積木」形式喺現有公共屋邨加設由預製組件製成嘅組合屋。如果政府肯多聽外界意見，下定決心解決問題，房屋問題就唔會拖到依家咁嚴峻喇！
