青年創劇場推廣預防愛滋病

「以前喺街派傳單，啲人見到係『愛滋病』呢三隻字，佢就唔會要，我諗你派十個可能只得一個接。」從有十多年預防愛滋病義工經歷的何永康（Howard）的分享中，或可側面窺探到香港人對此的態度。Howard自言對預防愛滋病教育有很大的情意結，皆因自己在中學年代遭遇學業上的挫折時，在學校的活動中接觸到「青少年愛滋病教育協會」，從小酷愛話劇的他，有機會在協會中發展興趣，促使他兩年前創立「選擇劇場」，希望用較軟性的手法推廣預防愛滋病教育。

觀眾決定劇情 將心比己減歧視

「『選擇劇場』希望觀眾喺當下，如果你係一個主角，你會點諗。」Howard解釋，普通舞台劇是較單向地向觀眾傳遞訊息，而「選擇劇場」則設環節，容許觀眾討論及投票決定劇情發展，「如果觀眾可以影響劇情，係會更加投入同將心比己，『如果我係主角，我會點幫佢揀呢』，觀眾愈投入嘅話，教育成分嘅效果會愈高。」

為了推廣預防愛滋病教育，Howard在「選擇劇場」中滲入愛滋病的元素，例如讓觀眾決定劇情中一名教師，是否公開自己患有愛滋病，「討論嘅時候係好激烈，投完票、完咗件事後，好多人留低繼續討論，『如果我揀綠色（公開）劇情會點呢，紅色（不公開）又會點呢』，佢哋會想知另一個結局會係點，呢個效果正正係我哋想要，我唔需要佢哋搵到答案，但起碼佢哋曾經思考過。」

「青少年愛滋教育協會」總幹事程翠雲，亦是當年引導Howard走出學業低谷的恩師，她有超過二十年預防愛滋病教育的經驗，表示近年市民是由「驚恐」變得「輕視」，「以前（愛滋病感染者）係成年人多啲，依家好大部分係年輕人，而且係一群一群。」程補充指，一直在找好像Howard這樣的年輕人，運用朋輩間的影響力，去做青少年的愛滋病預防工作。