政情：公民講場：違例招牌懶檢控 屋署無視都市炸彈

街道招牌滿布喺遊客眼中係獨特風景，但對香港居民就係潛在危機！審計署尋日就炮轟屋宇署向違規招牌發清拆令後就唔理，以二○一六年為例，有四成三嘅清拆令過咗期一年，部門都未進行檢控工作。香港人口密集，一個招牌跌落嚟受傷人數唔講得笑，審計報告都話違例招牌係香港長期嘅安全風險，屋宇署署長張天祥竟然有法不執，擺明係縱容呢啲都市炸彈周圍爆啫！佢係公帑出糧，但就置市民嘅人身安全於不顧，簡直離晒譜。