探射燈：猴聰慧「識睇人」 遇搶食宜先遠離

長沙灣沙田大圍屢現猴群

獸醫黎昌生表示，超強颱風山竹襲港後，可能破壞猴子棲息地及糧食，刺激牠們更頻密地出現在民居。他指猴子懂得分辨身體語言，知道「咩人好恰」，若人類手持雨傘或木條之類，可起到一定阻嚇作用，但不排除猴子有攻擊性，「猴子唔識分你同我，如果佢搶你嘢食，你去攞番，佢可能覺得係挑釁，或者會同你搏鬥。」他勸喻若遇到猴子搶食物，要避免與牠們發生衝突，並保持距離。

金山郊野公園一帶的長沙灣、沙田及大圍，經常出現猴群，最近蘇屋邨就有不少猴子集結，大模廝樣坐在天橋欄杆，「眼甘甘」望着居民的手挽背心膠袋，更試過搶走居民在快餐店買的外賣，然後施施然坐在地上食薯條及雞塊。火炭一大學職員宿舍，亦曾試過有十多隻獼猴闖入會所泳池，肆無忌憚暢泳及嬉戲。