政府終於喺今個月向立法會提交討論多時嘅垃圾徵費條例草案，尋日環境事務委員會開會時，議員葛珮帆（EQ）就炮轟政府，話草案冇交代將來點執法，驚啲市民為咗慳錢唔買指定垃圾袋，將啲廚餘周街掉，依家老鼠已經大過貓，擔心將來情況更差。睇真啲，EQ擔心唔係冇道理，政府搞源頭減廢都唔掂，市民未習慣就話推新嘢，再加上當局兩年前已經話搞徵費，環境局局長黃錦星一直冇交功課已被鬧爆，點知用咁耐時間都未寫好條例，睇怕今次佢都有排煩嘞！
