政情：公民講場：防治鼠患落後食署態度依舊

鼠患肆虐，多名立法會議員尋日喺一個事務委員會上更質疑鼠患指數偏低，仲話依家鼠患指數以老鼠咬餌次數計算，有啲可能仲用膠袋裝住啲餌，老鼠根本咬唔到，再加上污糟地方多食物，老鼠就唔咬餌，所以個指數唔係好信得過，批評食環署防治老鼠嘅方法大落後。老實講，食環署整乾淨啲地方，就唔會養老鼠，而滅鼠嘅方法先進啲，就有效減低滋擾，偏偏樣樣都做唔好，對於外界提過多種滅鼠嘅建議，署長劉利群都只係意見接受，態度依舊，簡直靠害市民。