政情：公民講場：爆粗兇記者 唔會畀人告 特朗普應搵漢奸黎教路

美國總統特朗普日前喺白宮舉行中期選舉後首場記者會，期間同向來唔咬弦嘅有線電視新聞網絡（CNN）記者阿科斯塔（Jim Acosta）激烈交鋒，你一言我一語，火藥味甚濃，之不過，講到兇記者「人辦」，人稱「漢奸黎」嘅壹傳媒黎智英係表表者，佢去年六月爆粗涉刑恐東方報業集團男記者，包括「×你老母×」、「我實會搵人搞×你」、「我影×咗你嘅相」三句粗言恐嚇，即使當時「有相有片」，證據確鑿，律政司拖逾十七個月都唔敢告漢奸黎，至今仍然乜事都冇。話時話，特朗普被外界視為「狂人」，用番漢奸黎爆粗鬧人呢三句對付美國記者，都唔怕畀人告同有手尾跟喇！