政情:公民講場:消委會測試邵家輝質疑片面 黃鳳嫺:國際認可

立法會尋日辯論施政報告致謝議案,批發及零售界議員邵家輝質疑消委會嘅測試標準,話市面上有某啲價錢較貴嘅面膜可能有十個好處,同時亦有產品只有保濕功能,但價錢亦較便宜,而消委會喺測試面膜時只比較保濕功能,咁市民或會認為價錢愈貴愈唔好,對營商人士嚟講感到唔公平,仲話唔好令市民感覺到消委會干擾香港營商環境。咁大件事,消委會總幹事黃鳳嫺急急回應,話測試方法係按國際認可或相關標準,發表結果之前亦會畀相關商戶做回應添!唔知呢次隔空過招,邊個贏呢?

第一手消息請下載on.cc東網iPhone/iPad/Android/Windows Phone Apps