政情：利蘊蓮做農夫 都市農圃種菜義賣

同場售基層婦製嘅攬枕

其實呢個農圃已經做咗五年，主要係想推動可持續發展，就連希慎興業主席利蘊蓮公餘時都化身農夫，落手落腳去種菜o架！睇佢同班農夫、義工一齊種菜，有傾有講，大家種菜都種得好開心。

以銅鑼灣呢個黃金地段嘅地價嚟計，呢批香港製造嘅有機意大利菜可算係全港最貴嘅疏菜，仲有未計班義工付出嘅努力。雖則係咁，為咗令市民可以食到生菜嘅鮮甜味道，到時農夫團隊會喺開售前半小時先喺天台農圃收割有機生菜攞出嚟賣，務求以最新鮮嘅狀態出售，同場仲會有由基層婦女製作嘅攬枕義賣，所得嘅收益扣除成本後，會捐畀樂餉社，齊齊對抗飢餓同減少食物浪費。