深水埗通州街橋底嘅「南亞村」長年藏污納垢、毒販橫行，成為罪惡嘅溫床，但政府部門拆村就歎慢板，「拆啲唔拆啲」。尋日食物環境衞生署聯同多個政府部門到通州街橋底拆木板屋，不過拆咗成日都只係拆得七間，之後就將現場圍封走人，現場仲有至少五間木板屋未拆。食環署署長劉利群以咁樣嘅龜速拆村，呢頭未拆完，嗰頭啲假難民又集結，難怪「南亞村」喺本港「遍地開花」，拆極都拆唔完喇。
