政情：今日你上鏡：大嘥鬼出動 謝展寰教雪廚餘辟臭
呼籲市民減少浪費廚餘嘅「大嘥鬼」，唔止係環境局吉祥物，更深入民心大受歡迎。早前喺一個生態遊活動上，環境局副局長謝展寰就帶埋大嘥鬼出動，謝先喺台上呼籲活動參加者，記得要自己垃圾自己帶走，喺享受郊遊樂之餘，都要保護環境。咁有冇環保秘笈傳畀大家啊？佢就教路點樣處理廚餘又唔臭！
呼籲「食得晒先好嗌」
謝展寰慨嘆，依家好多人都無特別去處理廚餘，所以呼籲大家首先要記得，食得晒先好嗌，而屋企方面，明白好多人話廚餘積埋積埋會發臭，但只要用膠袋裝好，放入雪櫃，就可以令食物停止發酵，咁就唔會有臭味㗎喇。