血人皮開肉綻爬窗求救「我係咪死咗」

【本報訊】「我係咪死咗嘞！」燒至皮開肉綻傷者，一度以為「魂飛魄散」變成冤鬼。在爆炸火警中搶救窗外傷者的姓陳男鄰居，事後憶述恐怖救人「驚歷」仍有懼色。他指，事發時驚聞爆炸巨響後，不久看見「騎樓」有人不斷大嗌：「救我呀！救我呀！」他走近查看，赫見一名滿身鮮血男子捉着窗花，而且皮開肉綻非常嚇人。

陳指，當時情況極為危急，他毫不猶豫伸手將「血人」拉着，同時大聲叫妻子取窗花鎖匙，花了近十分鐘，終成功打開窗花，將對方拉入屋。陳形容傷者當時神情顯得不知所措，「係咁問我佢係咪死咗！我話邊有咁易死！」

另一名鄰居陳太表示：「我見到佢（傷者）喺窗前，我仲以為係賊！你諗吓半夜三更有個男人擒落嚟！」但未幾聽到他大嗌：「我係上一層落嚟呀，樓上火燭呀！快啲救我！」陳太才驚悉火警，但想開窗救人時，已被鄰居「捷足先登」。

此外，住在起火單位同層女住客稱，火警發生時正如廁，突傳出爆炸聲，她形容：「當場震一震！」其鄰居施太則形容：「好似行雷，『嘭』一聲！」其丈夫還以為是有人墮樓，及後左鄰右里拍門，才得悉發生火警。