通識科近年為人詬病，教育局責無旁貸。立法會議員梁志祥尋日喺教育事務委員會會議上話收到家長投訴，有老師教授通識課程時一面倒咁講個人觀點，觀點全部都係反政府，質疑依家經常出現大學生「圍校長」、「搞港獨」，就係因為有老師講乜嘢都唔受管制，擔心長此落去學生哥變晒「紅衞兵」。教育局局長楊潤雄就話，喺政策上，老師係唔應該將個人政治觀點灌輸畀學生嘅。但當局根本難以監察教師課堂上講乜，楊唔通要喺課室整部X光機審查教師嘅政治觀點？
