綠色先鋒：膠收有法
超強颱風山竹九月襲港，海水氾濫將大量膠樽、塑膠廢料及其他海洋垃圾沖上杏花邨，可見塑膠垃圾問題已經迫在眉睫。有環保團體設置「膠收教育站」及膠樽回收點，期望接觸不同年齡層的市民，從教育入手，令他們明白回收膠樽的重要性，踏出環保第一步。
有統計指，本港每日棄置超過一百五十八噸PET膠樽（即一號膠樽），堆填區日增六百三十二萬個膠樽，平均每名市民每日丟棄一個，足以於一日內填滿六個標準泳池，有見及此，環保團體V Cycle舉辦「十噸膠樽回收大行動」，顧名思義目標回收十噸，即逾六十萬個廢棄膠樽，活動由即日至四月一日，分別於灣仔、銅鑼灣、西貢、九龍灣、觀塘、元朗、天水圍及屯門設置膠樽回收點。
「其實好多市民唔係唔想環保，而係唔識點做，或者做錯咗。」V Cycle市場經理Ricky指，最常見的情況是市民將尚有飲料的膠樽放入回收箱，令後續的回收程序變得更繁複，甚至會因成本過高而令原本可以循環再造的膠樽被直接送往堆填區，「呢個係教育嘅問題，市民接收相關資訊嘅渠道太少。」
沖洗膠樽 壓扁後投回收箱
他解釋，正確回收膠樽步驟的第一步應先將飲料飲完，然後以清水沖洗乾淨，再將膠樽壓扁之後關上樽蓋，最後才將膠樽投入回收箱，「最重要係想香港市民養成習慣，將膠樽帶返屋企洗乾淨先拎去回收箱，為咗環保唔好嫌麻煩。」
廢棄物再用 製教育站物料
V Cycle創辦人Eric表示，活動另一環節「膠收教育站」重點介紹不同塑膠分類，「分類代號有一至七號，每個號碼代表唔同塑膠用品，由最薄嘅飲品膠樽到最硬淨嘅工業用膠筒，希望市民可以了解多啲，將啱嘅塑膠廢料放入啱嘅回收箱。」值得一提的是，教育站所用的物料全是由廢棄物改頭換面而來的，其中木板是回收再用，垃圾袋則用上廢棄米袋，「希望市民感受到環保可以由每個人、每樣物件甚至生活中每個細節上實踐。」
圖：朱偉坤
文：陳名仲