旅遊發展局「美酒佳餚巡禮」無人機維港表演懷疑中招，被指可能受黑客入侵，連續兩日被迫取消。不過，旅發局尋日就話，事件起因並非黑客入侵，總幹事劉鎮漢解釋，無人機受外來干擾，搞到運作唔到，部分無人機損毀或者跌咗落海添。聽落都認真大件事。其實近年創新及科技局億億聲咁撥款搞創科，但依家連無人機表演都搞成咁，創科局局長楊偉雄真係點搞智慧城市？今次真係唔止無人機跌落海，就連公帑都好似跌埋落海咁啦！
