立法會調查前特首梁振英UGL事件專責委員會，之前被揭發原本係委員之一嘅周浩鼎涉嫌同梁「打龍通」事件，搞到有議員提出要譴責周。尋日就譴責周嘅議案成立嘅調查委員會召開第四次會議，但都係冇乜突破性進展，據了解周仍然係拒絕調查委員會要求，就事件提供資料。其實調查委員會早已經因專責委員會唔放寬保密規定，而令出席調查委員會作供嘅委員受到掣肘，調查委員會工作自然舉步維艱。梁都已經冇做特首一年幾，但周仍被事件纏繞，真係唔知幾時先可以甩到身喇。
