施政報告提出喺觀塘港鐵站附近一幅用地興建公務員學院，搞到現址嘅特殊教育職訓中心被突然「殺校」。有中心學員嘅家長就炮轟政府搶地，令弱能人士日後要去到屯門、薄扶林等地上課，係剝削弱能人士，亦有中心職員批評政府事前冇諮詢，要政府發表施政報告當日先知。公務員事務局局長羅智光尋日喺電台死撐，話有關計劃一如施政報告其他項目一樣，要喺公布前保密喎。政府霸靚地已經唔係第一次被批評，唔通方便公務員上堂重要過弱能人士返學？
