政情：日瞓四粒鐘郭位怕短命要調節
香港城市大學早前頒授榮譽院士，校長郭位就問在場嘅人佢睇起嚟有冇好攰，又笑指因為大家畀佢嘅壓力太大。不過佢講完笑就話，因為太忙，開學冇幾耐又要忙數據學院等事務，依家每日大約先瞓得個四小時。聽到有指瞓少過五小時會短命，佢就即刻話︰「你不要嚇我」，仲話要慢慢調整咁話。
笑言城大「真正好大學」
正所謂「賣花讚花香」，郭就話︰「我們是真正好大學」、「我們是最好的大學」。唔好以為佢就咁講兩句咁hard sell ，其實佢問起一個幾得意嘅哲學問題：「有人讀大學，又成功，是那個人本來好，還是大學好？」令到在場人士都諗咗一陣。
郭話其實呢個問題係冇人知答案，所以點解佢會話城大係最好，因為城大至少會想辦法，不時研究點樣令一個人喺城大讀書可以較易成功，但呢個都係研究，最終都無法知道真正答案喎。