政府早前放風話運輸及房屋局負責範圍太大，擬分拆兩局，而運房局局長陳帆隨即表態，話如果真係分拆，會想做房屋多啲，點知尋日出爐嘅施政報告分拆冇時間表喎。分拆唔到不特止，嚟緊政府仲打算改變公私營房屋比例，估計工作量都唔會輕，即係工作量有增無減。查實沙中線醜聞、高鐵開通情況遠低預期等重大事件，都屬於運輸範疇，加上陳帆係機電工程署出身，即使分拆佢都好大機會要做運輸嗰邊，唔使旨意走得甩，佢想專心做房屋睇怕都要夢碎喇！
